2026 жылғы 15 мамырда Алматы қаласында Орталық Азиядағы Халықаралық коучинг федерациясының (ICF) ірі кәсіби іс-шараларының бірі — Халықаралық коучинг апталығы 2026 өтті. Narxoz Business School базасында ICF Kazakhstan Chapter ұйымдастырған конференцияға бизнес, білім беру, корпоративтік сектор, халықаралық ұйымдар, HR-қоғамдастық және кәсіби коучтер қатарынан 200-ден астам қатысушы жиналды.
Халықаралық коучинг апталығы - International Coaching Federation бастамасымен жыл сайын әлемнің түрлі елдерінде өтетін жаһандық жоба. Ол кәсіби қауымдастықты көшбасшылық, адами капиталды дамыту, ұйымдық мәдениет және басқарудың заманауи тәсілдері төңірегінде біріктіреді.
Қазақстанда жоба 2020 жылдан бері жұмыс істеп келе жатқан ICF Kazakhstan Chapter бөлімшесі арқылы жүзеге асырылады. Қауымдастық халықаралық коучинг стандарттарын, кәсіби этиканы және білім беру бастамаларын дамыту бағытында жұмыс жүргізіп келеді.
Конференцияның ерекше маңызы халықаралық деңгейдегі спикерлердің қатысуымен байланысты болды. Негізгі қонақтардың бірі - ICF Professional Coaches ұйымының төрайымы, ICF жаһандық директорлар кеңесінің мүшесі, MCC ICF, ACTC ICF, MP EMCC, халықаралық тәжірибесі бар executive және team-коуч Jihane Labib болды. Оның «ICF Global Vision: Coaching in the Age of AI» атты баяндамасы жасанды интеллект дәуіріндегі коучинг пен көшбасшылықтың дамуына арналды.
«ICF Kazakhstan ұйымымен бірге Халықаралық коучинг апталығы аясында Қазақстанға қайта оралғанда, өңірдің қарқынды дамуын, халықаралық ашықтықтың артуын және адамға бағытталған көшбасшылыққа, инновациялар мен ұйым ішіндегі коучинг мәдениетін дамытуға қызығушылықтың күшейгенін көріп отырмын», - деп атап өтті Jihane Labib.
Конференцияның ресми бөлімін ICF Kazakhstan Chapter президенті, PCC ICF Степан Черепанов ашты. Ол өз сөзінде ұйымдар мен қоғамды дамытудағы коучинг тәсілінің маңызы артып келе жатқанын атап өтті.
«Бүгінде коучинг тұрақты қауымдастықтарды, жетілген көшбасшылықты және диалог мәдениетін қалыптастыратын кеңістікке айналып келеді. Қазақстандағы Халықаралық коучинг апталығы кәсіби қауымдастықты, бизнесті және қоғамды жаһандық өзгерістер дәуіріндегі адами даму идеясы төңірегінде біріктіреді», - деді Степан Черепанов.
Бағдарламаның жеке бір бөлігі кәсіби стандарттарды дамыту мәселесіне арналды. Баяндама жасаған PCC ICF, PhD Дана Джантемирова - ICF Kazakhstan Chapter вице-президенті әрі коучингті кәсіби стандарттарға енгізу жөніндегі директор. Талқылау аясында мамандықты заңдастыру және Қазақстандағы кәсіби ортаны қалыптастыру мәселелері қарастырылды.
Еске салсақ, Қазақстан Республикасы Еңбек және халықты әлеуметтік қорғау министрлігінің 2025 жылғы 22 желтоқсандағы №409 бұйрығымен «Коучинг қызметі (коуч)» кәсіби стандарты бекітілген болатын.
«“Коучинг қызметі” бойынша кәсіби стандарттың қабылдануы - коуч мамандығын заңдастыру үдерісінің бастамасы, әрі бұл қадам жасалды. Алдымызда әлі де көптеген мәселелер, талқылаулар және ауқымды бірлескен жұмыс бар. Біз болашаққа сеніммен қараймыз, өйткені бүгінгі таңда коучинг көшбасшылық, ұйымдық даму және қоғамдағы тұрақты өзгерістерді қолдау салаларында қолданылатын кәсіби тәсіл ретінде қарастырылады», - деп атап өтті Дана Джантемирова.
Халықаралық коучинг апталығы бағдарламасында қазақ тіліндегі кәсіби коучинг дискурсын дамыту мәселесіне де ерекше назар аударылды. Конференция аясында кәсіби қауымдастық өкілдерінің қатысуымен қазақтілді терминологияны қалыптастыру, жергілікті кәсіби контентті дамыту және мемлекеттік тілдегі коучингтік білім мен кәсіби диалогтың қолжетімділігін кеңейту мәселелеріне арналған дөңгелек үстел өтті.
Модератор ретінде қазақ тіліндегі коучингті дамыту және ілгерілету жөніндегі директор Ғалымбек Бермағамбетов сөз сөйледі. Қатысушылар халықаралық коучинг тәсілдерін Қазақстанның мәдени және тілдік контексіне бейімдеу, сондай-ақ қазақ тіліндегі кәсіби ортаны дамытудың саланың болашақ өсімі үшін маңызын талқылады.
Конференцияның халықаралық бағдарламасына сондай-ақ PCC ICF Philippe Mathijs - компаниялардың бірінші басшылары мен директорлар кеңестерінің executive-коучы, «How Not to Be Lonely at the Top» Amazon бестселлерінің авторы, сондай-ақ MCC ICF, ACTC ICF Елена Челокиди - ICF командалық коуч құзыреттерінің бірлескен авторы, баспагер, бизнес-психолог және басшылар мен командаларға арналған коуч қатысты.
Конференция аясында AstraZeneca, ERG, ТШО, КПО және SHL Central Asia компаниялары өкілдерінің қатысуымен корпоративтік коучинг бойынша панельдік пікірталастар өтті. Қатысушылар көшбасшылық, ұйымдық мәдениет, басқарушылық ойлау және жоғары өзгерістер қарқыны жағдайындағы командаларды дамыту мәселелерін талқылады.
Конференцияның әлеуметтік және инклюзивті бағыты ЕҚДБ мен ОА Әйелдер кәсіпкерлігін дамыту қауымдастығының қатысуымен өткен «Әйелдер кәсіпкерлігі» блогында жалғасын тапты. Модератор ретінде PCC ICF Елена Григорьева — ICF Kazakhstan Chapter Қамқоршылық кеңесінің төрайымы және Inclusion & Diversity Officer қатысты.
Халықаралық коучинг апталығының қорытындысы ретінде «Путь к себе» деректі фильмінің қайырымдылық көрсетілімі өтті. Бұл - Орталық Азия мен Қазақстандағы коучингті тұрақты тұлғалық және әлеуметтік өзгерістер құралы ретінде көрсететін алғашқы кинотуынды.
Фильм ICF Kazakhstan Chapter мен «Мама Про» қорының бірлескен жобасы аясында түсірілді. Режиссері - Абылайхан Төлеухан. Продюсері әрі сценарий авторы — PCC ICF, ICF Kazakhstan Chapter коммуникациялар және PR жөніндегі директоры Ая Калиева.
Бүгінде Қазақстанда коучинг жеке сүйемелдеуден шығып, көшбасшылықты, басқарушылық шешімдердің сапасын, ұйымдық мәдениетті және адами әлеуетті дамытуға байланысты кең ауқымды кәсіби және қоғамдық күн тәртібінің бір бөлігіне айналып келеді.
Халықаралық коучинг апталығы 2026 қоғам, бизнес және кәсіби қауымдастық тарапынан жоғары өзгерістер қарқыны мен жаһандық трансформация жағдайында диалог мәдениетін, тұрақтылықты, жауапкершілікті және командалық өзара әрекеттестікті дамытуға деген сұраныстың артып келе жатқанын көрсетті
