15 тамыз күні Алматыда «Мен қорқамын, бірақ жасаймын» атты әйелдер бизнес-фестивалі өтеді. Бұл – кәсіпкер әйелдерді, сарапшыларды, пікір көшбасшыларын және дамуға, жаңа мүмкіндіктер мен мықты ортаға ұмтылатын жандарды біріктіретін ауқымды шара. Фестивальге 700-ден астам қатысушы келеді деп күтілуде.
Фестиваль Open Air форматында ұйымдастырылып, білім беру, бизнес, шығармашылық, өзін-өзі күту мәдениеті және нетворкингті тоғыстырған мазмұнды бағдарламаны ұсынады.
Фестивальдің басты идеясы оның атауында көрініс тапқан: қорқыныш – кез келген жаңа кезеңнің табиғи бөлігі. Ұйымдастырушылар оны кедергі емес, өсуге мүмкіндік беретін бастау нүктесі ретінде қарастыруды ұсынады. Ең маңыздысы – қорқыныштың өзі емес, соған қарамастан әрекет етуге шешім қабылдау.
Күні бойы қонақтарды екі білім беру сахнасы, тақырыптық алаңдар, тәжірибелік шеберлік сабақтары, сарапшылармен кездесулер, серіктестер ұйымдастырған белсенділіктер және пікірлес жандармен танысу мүмкіндігі күтеді.
Main Stage сахнасында танымал кәсіпкерлер, сарапшылар мен пікір көшбасшылары сөз сөйлейді. Олардың қатарында Әсел Машанова, Николай Мазенцев, Әсем Болатжан, Алина Абдрахманова, Ширин Араз, Тельман Нағашбаев және басқа да арнайы шақырылған спикерлер бар.
Фестивальді Қазақстандағы ең ірі әйелдер бизнес-қоғамдастықтарының бірі – Woman Create ұйымдастырады. Бұл қауымдастық кәсіпкер әйелдерді, сарапшылар мен басшыларды біріктіріп, білім беру жобаларын жүзеге асырады, іскерлік іс-шаралар өткізеді және әйелдердің кәсіби дамуына жаңа мүмкіндіктер жасайды.
Ұйымдастырушылардың айтуынша, фестиваль тек жеке бизнесін жүргізіп жүргендерге ғана емес, сондай-ақ мамандарға, басшыларға, жоба авторларына және жаңа идеялар, кәсіби даму мен пайдалы таныстықтар іздеп жүрген әйелдерге де қызықты болады.
Фестиваль 15 тамыз күні Алматы қаласында өтеді.
Бағдарлама, спикерлер туралы толық ақпаратпен танысып, билеттерді фестивальдің ресми сайтынан сатып алуға болады: https://womancreate.kz/fest.
